Solasaldiak – Suspentsioa

“Solasaldiak” festibalaren bihotza eta arima dira, eleen eta musikaren une bereziak, nun publikoak eta artista gonbidatuek elkarrekin partekatzeko parada duten.

Aurten, Ametsezko Munduetan zehar bidaiatuko dugu, horien eta gure errealitateen arteko lotura sakoneri buruz solasetan.

Errobiko Festibala suspensio bat, eten bat bezala da, pirata-ontzi iragankor batean bizitako esperientzia bat, nun aukerak eta xenderak esperimentatzen diren. Hemistixean, trantzea, airatzea eta mugimendua ukanen ditugu bidelagun.