EDITO... "ORKESTRA OSA"
Errobiko Festibala « une-gunean », duela urteak Kreolizazioa experimentatzen dugula. Errotuak diren sortzaileek eramaiten duten Kreolizazio bat. Orduan, « pertsona-mundu » batzuen topaketak gertatzen dira, eta publikoa, experientzia bizitu baten aktore bilakatzen.
Haiek, gu, zuhaitzeri konparatzen ahal ginituzkea ? Edo sakonki sustraitua den oihan bati, desagertzeko beldurrik gabe adarrak luzatzen dituena ?
Zuhaitzek mugarik ez dute ezagutzen, eta haien lurraldeak ez dira regla batekin erabakiak, nazioak edo ez duela aspaldi oraino baziren (edo beharbada oraindik badiren) koloniak ez bezala !
Zer pasatuko litaike, gure gorputzak, gure baitak, gure lurraldeak ere… ez balira mugetan hetsiak ? Zer pasatuko litaike bestea errezibitzea baimentzen balute, pundu batetan akordatzeraino, erresonantzian sartuz ?
Édouard Glissant-ek erraiten zuen bezala : « bestearekin trukatuz aldatzen ahal naiz, nere burua eta nortasuna galdu gabe ».
Zoin experientzia, ederrenariko bat seguraski, kantatzerakoan, gure soinu propioaren aldatzea bizitzen dugularik, materia bat bezala… bestearen soinu, materia eta harmonikekin akordatzen baldin bada ! Batzutan ere, « quintina », kantatua ez den botz hori, akordio eta batzarri horren fruitu, jalgitzen da !
Zoin emozio, publikoa bai eta ere musikariarena, orkestra baten mugimendu amankomuna hain azkarra delarik, ikusten den espaziotik haratago dirdiratzen bada !
Hori, « ORKESTRA OSA » deituko dugu.
Itsasun, barnekaldeko Errobi ibarraren ate, iraganbide leku, nun gizakien kromlekek Artzamendi eta Iguzkimendi lotzen dituzten… galdera hori pausatuko dugu :
Nola, desberdintasuna, aberatsagarri izanez gain, baitezpadakoa dea bakotxak tranzendatzen dakien mugimendu kolektibo baten airatzearentzat ?
Eta aurten ere xantza haundiarekin, pesta, biziaren eta aniztasunaren ospatzeko, mundu zabaletik jiten diren artista ezinago ederrak, eskuzabaltasun dirdiratsua dutenak, errezibituko ditugu ! RédèR Nouhaj-en « one-violin-band » etik (festibalaren tesia eta antitesia), Red desert Orkestraren munduen aniztasunaraino, Etenesh Wassiéren kantu sakonatik pasatuz, bai eta ere Djé Balètiren trantze askagarritik ! Berantetsia dugu horren bizitzea !
Hitzordua Itsasun, Ongi Etorri Deneri!
Ezkandrai elkartearentzat, Julen Achiary, festibalaren zuzendari artistikoa
Auzapezaren hitza
Osa dadila orkestra. Hotsak batera ditezela.
Hots eta abots ezberdinak akordatuko dira beste behin, Errobiko Festibalaren sintonian.
Haitzak eta zuhaitzak aipatzen dizkigu Julen Axearik.
Erroak lekuan lekuko lurrean zabal eta barna lotuak dituen haitzondoak altua bezain hedatua du hostotza. Bakarrik egotea baizik ez du beste beldurrik. Atseginez onartzen ditu aldean pagoak eta lizarrak eta gaztainondoak. Hotseginez onartuko ditu koko zuhaitzak ala palmatzeak edo baobabak.
Zuhaitzen hostotzek eta zuhaitzen sustraiek ez dute mugarik, aldean zutik dauden zuhaitzen itzala besterik. Aldean dituzten zuhaitzen sustraiak kilikatzen dituzte lur sakonean. Aldean dituzten zuhaitzen hostoak perekatzen dituzte haize denean.
Munduko sustrai, hostotza, abots eta hots ezberdinak kilikari, perekari, musikari, dantzari eta kantari, Itsasuko Atharrin
Mikel Hiribarren
EGITARAUA EGUNEZ EGUN
Aintzin festibala : ostirala uztailaren 15-an
Festibala : uztaila, osteguna 20 – ostirala 21 – larunbata 22 – igandea 23
EGITARAU OSOA TELEKARGATU HEMEN
ESKERRAK...
Ezkandraien transizio urtea dugularik, bihotzetik eskertzen ditugu Errobiko Festibalaren 27. edizio horren gauzatzen lagundu gaituzten guziak, bai eta ere gure kide historikoak, urtez urte abentura hori sortu eta segitu dutenak.
Haien barne, diru languntzak berritu dituzten erakunde publiko eta pribatuak, Kontseilu Orokorra, Akitania Berriko Herrialde Kontseilua, DRAC- a bai eta ere Oara, Euskal Kultur Erakundea, EHE, eta Malandain Ballet Biarritz-a.
Urtero bezala, esker beroenak Itsasuko Herriko Etxeari bere sustengu eta laguntzagatik gure alboan, gomitari erantzun dioten artista liluragarriak, eta festibalari bizi emaiteko hainbat denbora eman duten laguntzaile eta teknikarieri.
Milesker deneri !
